Вынйöра да мича – миян коми кывным (Могучий и красивый – наш коми язык)

Название: Вынйöра да мича – миян коми кывным (Могучий и красивый – наш коми язык)
Автор: Цыпанов Йöлгинь (Цыпанов Е.А.)
Год издания: 2016
Страниц: 256

Аннотация:
Челядьлы да верстьöлы лыддьöм могысь гижöм-йöзöдöм небöга-ным сёрниыс мунö кызвынсö коми кыввор (лексика) йылысь, сылöн аслыспöлöслунъяс да озырлун йывсьыс. Торйöн петкöдлöма öнiя кывворлысь вежсьöм-паськалöмсö, сылысь гырысь позянлунъяссö нимтыны век унджык эмтор, гöгöрвоантор, миян олöмö пырана выльтор. Торъя юрпасъясын висьталöма кывворлöн юкöнъяс йылысь, найöс туялöм йылысь да мыйсюрö вайöдöма öткодялöм могысь тшöтш удмурт да мукöд ордвуж кывйысь. Пыртöма небöгас тшöтш некымын коми гижысьлöн кыв йылысь серпаскывъяс. Тайö небöгсö урчитöма медвойдöр школаын велöдчысьяслы да велöдысьяслы, вылыс велöдчанiнъясса войтырлы, комиöн гижысь-сёрнитысь журналистлы, кывбуралысьлы, чужан кыв быд радейтысьлы да пыддиалысьлы.
Гижысьыс став сьöлöмсяньыс аттьöалö небöг йöзöдöм могысь сьöма отсöг сетöмысь Суоми муысь М.А. Кастрен котырöс, финъяслы ордвуж войтыръяслы отсасян сэтчöс уджтас подулалысьясöс, йöзöс велöдан сэтчöс министерствоöс.